करमाँ रो संगाती राणा कोई नहीं-लाग्यो लाग्यो राम भजन से हेत ॥टेर॥
एक माँटी रा दोय घड़कल्या, जाँरो न्यारो न्यारो भाग।
एक सदाशिव कै जल चढ़ै, दूजो शमशाणा मँ जाय॥1॥
एक गऊ का दोय बाछड़ा, जाँरो न्यारो न्यारो भाग।
एक सदाशिव कै नाँदियो, दूजो बिणजारै रो बैल॥2॥
एक मायड़ रै दोय डीकरा, जाँरो न्यारो न्यारो भाग।
एक राजेश्वर राजवी, दूजो साधुड़ाँ रै लार॥3॥
राठौड़ाँ रै मीरा बाई जलमिया, बानै बैकुण्ठाँ रा बास॥4॥
गुरुवार, 19 नवंबर 2009
सदस्यता लें
टिप्पणियाँ भेजें (Atom)
Thanks for sharing nice bhajan अनिल थडानी
जवाब देंहटाएं